بنانا اینڈ والنٹ بریڈ

 

بنانا اینڈ والنٹ بریڈ 

اجزا٫

میدہ                                   تین پیالی ۔ 300 گرام

براؤن شوگر                        تین چوتھائی پیالی

اخروٹ کی گری                  ایک پیالی

کیلے                                 دو سے تین عدد

بیکنگ پاؤ ڈر                      تین چائے کے چمچ

بیکنگ سوڈا                       ایک چائے کا چمچ

انڈے                                  دو عدد

دودھ                                 ایک پیالی

کوکنگ آئل                         حسب ضرورت

  

بنانا اینڈ والنٹ بریڈ 

ترکیب

کیلوں کو چھیل کر میش کر لیں اور ان پر دو چمچ چینی چھڑک کر رکھ دیں، اخروٹ کو صاف کر کے چھوٹے ٹکڑے کر کے رکھ لیں۔

میدے میں بیکنگ پاؤ ڈر ملا کر دو مرتبہ چھان لیں، پھر بڑے پیالے میں رکھ کر اس میں براؤن شوگر، اخروٹ اور بیکنگ سوڈا ڈال کر ملائیں۔

انڈے کو ہلکا سا پھینٹ کر میدے میں ملائیں اور ساتھ ہی دودھ اور کیلے ڈال کر اچھی طرح ملا لیں۔

ڈبل روٹی بنانے والا سانچہ لے کر اس میں بٹر پیپر یا خاکی کاغذ لگائیں اور اس میں برش کی مدد سے  کوکنگ آئل لگا لیں اور تیار شدہ مکسچر کو اس میں ایک مرتبہ کچن کاؤنٹر یا زمین پر جھٹک لیں تاکہ سب طرف سے یکساں ہو جائے۔

اوون کو 180  پر بیس منٹ پہلے گرم کر لیں اور سانچے کو اس میں رکھ کر چالیس سے پینتالیس منٹ کے لئے بیک کر لیں، اوون سے نکالنے سے پہلے  ایک مرتبہ ٹوتھ پک ڈال کر چیک کر لیں کہ مکمل طور پر پک گئی ہے۔

روم ٹمپریچر پر رکھ کر ٹھنڈی ہونے دیں پھر سانچے سے نکال لیں۔

 

خوبصورتی سے بنانا اینڈ والنٹ بریڈ سلائس کاٹ کر چائے یا کافی کے ساتھ لطف اٹھائیں۔

 

Read:

Taco Tart Recipe | ٹاکو ٹارٹ