Learn Mutton Daal Pulao Recipe in Urdu 

 

Mutton Daal Pulao Recipe

مٹن دال پلاؤ

 

مٹن دال پلاؤ

اجزا٫

گوشت                                آدھا کلو

چنے کی دال                       ایک پیالی

چاول                                تین پیالی

نمک                                 حسب ذائقہ

لہسن پسا ہوا                        ایک کھانے کا چمچہ

لال مرچ کٹی ہوئی               ایک کھانے کا چمچہ

لونگ                                چھ سے آٹھ عدد

چھوٹی الائچی                     چھ سے آٹھ عدد

تیز پات                              ایک سے دو عدد

ہری مرچیں                         تین سے چار عدد

شملہ مرچ                          دو عدد

ہاٹ ساس                           دو کھانے کےچمچہ

کوکنگ آئل                         آدھی پیالی

 

Mutton Daal Pulao Recipe

 مٹن دال پلاؤ 

 

ترکیب

گوشت کی چھوٹی بوٹیاں کر کے دھو کر رکھ لیں، چاولوں کو دھو کر بیس منٹ بھگو کر رکھیں۔

چنے کی دال کو دھو کر آدھے گھنٹے کے لئے گرم پانی میں بھگو دیں پھر اتنی دیر ابالیں کہ اچھی طرح گل جائے لیکن کھلی کھلی رہے

پین میں آئل کو ہلکی آنچ پر چار منٹ گرم کر کے لونگ، الائچی اور تیز پات ڈال کر دو منٹ فرائی کریں۔

پھر اس میں لہسن، نمک اور گوشت شامل کر کے اچھی طرح ملائیں اور ڈھک کر ہلکی آنچ پر گوشت کا اپنا پانی خشک ہونے تک پکائیں۔

پانی خشک ہونے پر ابلی ہوئی دال اور چاول ڈال کر اچھی طرح بھونیں اور تین سے چار پیالی پانی ڈال دیں، اچھی طرح مکس کر کے درمیانی آنچ پر اتنی دیر پکائیں کہ پانی آدھی پیالی رہ جائے۔

ہری مرچ اور لال مرچ ڈال کر پانی مکمل خشک ہونے تک پکائیں، شملہ مرچ اور ہاٹ ساس ڈال کر پر پانچ سے سات منٹ دم پر رکھ دیں۔

 

اچھی طرح ملا کر مٹن دال پلاؤ گرم گرم ڈش میں نکالیں اور دوپہر یا رات کے کھانے پر رائتے کے ساتھ پیش کریں۔

 

Read: Red Lentil Curry Recipe | دال نو بہار