Chicken Tagine Recipe | چکن تاجین

Home/Urdu Recipes/Chicken Tagine Recipe | چکن تاجین

Chicken Tagine Recipe | چکن تاجین

Learn Chicken Tagine Recipe in Urdu

 

چکن تاجین

 

اجزا٫

چکن                                  ایک کلو

نمک                                 حسب ذائقہ

لہسن کے جوئے                  چار سے چھ عدد

ادرک                                 دو انچ کا ٹکڑا

پیاز                                   دو عدد درمیانی

کالی مرچ گدری پسی ہوئی     ایک چائے کا چمچ

پسی ہوئی لال مرچ               ایک چائے کا چمچ

سفید زیرہ                           ایک چائے کا چمچ

ہلدی                                  ایک چائے کا چمچ

پسا ہوا جائفل                       آدھا چائے کا چمچ

یخنی                                 دو پیالی

بادام                                  آدھی پیالی

کھجور                              آدھی پیالی

 کوکنگ آئل                        آدھی پیالی

 

 

 

 

چکن تاجین

 

ترکیب

چکن کی بارہ سے سولہ بوٹیاں کر لیں اور دھو کر چھلنی میں رکھ دیں، پیاز کو باریک کاٹ کر رکھ لیں۔ لہسن کے جوؤں کو کچل لیں اور ادرک کو باریک پیس لیں۔

بادام کو ابال کر چھیل لیں اور دو دو ٹکڑے کر لیں، کھجور کے بیج نکال کر درمیان سے کاٹ کر رکھ لیں۔

ایک بڑے پیالے میں کالی مرچ، نمک، کچلا ہوا لہسن اور دو کھانے کے چمچ  کوکنگ آئل ڈال کر اچھی طرح ملا لیں۔ چکن کے ٹکڑوں کو اس سے مرینیٹ کر کے رات بھر کے لئے یا کم از کم تین سے چار گھنٹوں کے لئے فریج میں رکھ دیں۔

مٹی کی ہانڈی کو ہلکی آنچ پر گرم کریں اور اس میں  کوکنگ آئل ڈال کر درمیانی آنچ پر تین سے چار منٹ گرم کر لیں، میرینیٹ کی ہوئی چکن کو اس میں تیز آنچ پر سنہری فرائی کر لیں۔

پھر اس میں ادرک، زیرہ، نمک، لال مرچ اور ہلدی شامل کر کے بھونیں۔ پیاز ڈال کر تیز آنچ پر چار سے پانچ منٹ فرائی کریں۔

تھوڑی تھوڑی کر کے یخنی ڈالتے جائیں اور اچھی طرح ملا لیں۔ ابال آنے پر آنچ ہلکی کر کے ڈھک دیں۔

بیس سے پچیس منٹ پکانے کے بعد جب چکن گلنے پر آ جائے تو بوٹیوں کو علیحدہ نکالیں اور گریوی میں بادام، کھجور اور جائفل ڈال کر تین سے چار منٹ پکا کر اسے گاڑھا کر لیں۔

 

چکن کی بوٹیوں ,چکن تاجین کو خوبصورت سے پلیٹ  میں نکال کر اوپر سے گریوی ڈال دیں اور ابلے ہوئے چاولوں کے ساتھ پیش کریں۔ اس افریقن ڈش کو ایک مخصوص مٹی کی ہانڈی میں بنایا جاتا ہے اسی لئے اسے تاجین کہا جاتا ہے۔

 

2016-11-13T16:54:26+00:00 September 29th, 2016|Urdu Recipes|0 Comments

Leave A Comment