Learn Chicken Ring Recipe in Urdu.

 

Chicken Ring Recipe | چکن رنگ لوف

چکن رنگ لوف

 

اجزا٫

میدہ                                   تین پیالی

چکن بریسٹ                        آدھا کلو

نمک                                 حسب ذائقہ

پسا ہوا لہسن                        ایک کھانے کا چمچہ

خشک خمیر                       دو کھانے کے چمچہ

بیکنگ پاؤ ڈر                      تین چائے کےچمچہ

چینی                                 دو چائے کےچمچہ

کٹی ہوئی لال مرچ               ڈیڑھ کھانے کا چمچہ

سفید زیرہ                           ایک کھانے کا چمچہ

سرکہ                                 دو کھانے کے چمچہ

چیڈر چیز                           ایک پیالی

ہرا دھنیا                            دو کھانے کے چمچہ

پودینہ                               ایک کھانے کا چمچہ

تلسی کے پتے                      چار سے چھ عدد

اجوائن کے پتے                   آدھا چائے کا چمچہ

پارسلے                              دو کھانے کے چمچہ

مارجرین یا مکھن                چار کھانے کےچمچہ

   آئل                                    دو کھانے کے چمچہ

 

Chicken Ring Recipe | چکن رنگ لوف

  

ترکیب

ایک پیالی گرم پانی میں چینی ڈال کر اچھی طرح ملا لیں اور اسے ایک بڑے پیالے میں ڈال کر اس میں خشک خمیر چھڑک کر ڈھک دیں۔ اس پیالے کو دس سے پندرہ منٹ کے لئے گرم جگہ پر رکھ دیں۔

چکن کی چھوٹی بوٹیاں کر کے اسے لہسن، نمک، لال مرچ، زیرہ اور سرکے کے ساتھ میرینیٹ کر کے دس منٹ کے لئے رکھ دیں۔

فرائینگ پین میں ایک کھانے کاچمچہ آئل ڈال کر اس میں چکن کو تیز آنچ پر فرائی کر کے نکال لیں۔

ایک کھانے کاچمچہ مارجرین یا مکھن اور آئل کو پین میں ڈالیں اور اس میں ایک کھانے کا چمچہ میدہ ڈال کر بھونیں، جب خوشبو آنے لگے تو اس میں تھوڑا تھوڑا کر کے آدھی پیالی پانی ڈال کر ملاتے ہوئے چولہے سے اتار لیں۔

اس وہائٹ سوس میں کش کیا ہوا چیز اور چکن کو ریشہ کر کے ڈالیں اور اچھی طرح ملا کر رکھ لیں۔

Chicken Ring Recipe | چکن رنگ لوف

میدے میں بیکنگ پاؤ ڈر ملا کر چھان لیں اور مارجرین یا مکھن کو ہلکا سا پگھلا کر ٹھنڈا کرنے رکھ دیں، دھنیا، پودینہ، تلسی، اجوائن اور پارسلے کو باریک کاٹ کر اس میں ملا لیں اور اس مکھن کو خمیر میں ڈال کر ملائیں۔

خمیر کے پیالے میں تھوڑا تھوڑا کر کے میدہ اور چکن کا مکسچر ڈالتے جائیں اور ملاتے جائیں، نرم سا آٹا گوندھ کر ڈھک کر گرم جگہ پر رکھ دیں۔

بیکنگ ٹرے کو چکنا کر کے گندھے ہوئے آٹے کا پیڑا بنا کر اس میں رکھیں، پہلے درمیان میں بیلن یا لکڑی کے چمچ کی مدد سے سوراخ کر دیں۔ پھر بیلن کو درمیان میں رکھ کر گھماتے جائیں تو وہ پیڑا رنگ کی شکل کا بن جائے گا۔ آخر میں اس میں تھوڑے تھوڑے فاصلے سے چھری سے کٹ لگا لیں۔

اوون کو 220  پر پندرہ منٹ پہلے گرم کریں اور پھر اس رنگ کو پچیس سے تیس منٹ کے لئے بیک کرنے رکھ دیں۔

      اوون سے چکن رنگ لوف نکال کر سلائسز کاٹیں اور چائے کے ساتھ گرم گرم پیش کریں۔