Learn Grilled Chicken with Mango Chili Sauce Recipe in Urdu 

Grilled Chicken Recipe | گرلڈ چکن ود مینگو چلی سوس

گرلڈ چکن ود مینگو چلی سوس

اجزا٫

چکن بوٹی                          آدھا کلو۔ بون لیس

لہسن چوپڈ                          ایک کھانے کا چمچہ

پیاز                                   دو عدد درمیانی

کٹی ہوئی لال مرچ               ایک کھانے کاچمچہ

رائی ثابت                          ایک چائے کا چمچہ

سونف                               ایک کھانے کا چمچہ ۔ پسی ہوئی

کڑھی پتہ                           حسب پسند

کوکنگ آئل                         دو سے تین کھانے کے چمچہ

نمک                                 حسب ذائقہ

 

Grilled Chicken Recipe | گرلڈ چکن ود مینگو چلی سوس

 

مینگو سوس کے اجزا٫

آم کا گودا                           ڈیڑھ کپ

آم کے ٹکڑے                      آدھا کپ

ادرک چوپڈ                         آدھے انچ کا ٹکڑا

لیموں جوس                        ایک کھانے کا چمچہ

کٹی لال مرچ                      ایک چائے کا چمچہ

شکر                       ایک کھانے کا چمچہ

ثابت کالی مرچ          چھ عدد

ہری مرچیں              حسب پسند

کوکنگ آئل               ایک کھانے کا چمچہ

 

Grilled Chicken Recipe | گرلڈ چکن ود مینگو چلی سوس 

 

ترکیب

چکن کی بوٹیوں کو اچھی طرح دھو لیں۔ الگ برتن میں پیاز باریک کاٹ لیں۔

ایک پین میں تیل گرم کریں، پھر اس میں کڑھی پتہ اور رائی ڈال کر کڑکڑا لیں۔ پھر اس میں پیاز ڈال کر اتنا فرائی کریں کہ پیاز نرم سی ہو جائے۔ پھر اس میں لہسن اور چکن ڈال کر اچھی طرح بھون لیں۔ پھر اس میں نمک، سونف پسی ہوئی اور کٹی لال مرچ ڈال کر اچھی طرح مکس کریں اور ڈھک کر پانچ سے سات منٹ تک دم کے لئے رکھ دیں۔

 

گرلڈ چکن ود مینگو چلی سوس

سوس بنانے کا طریقہ

کالی مرچ اور رائی کو موٹا موٹا کوٹ لیں، پھر ایک پین میں تیل ڈال کر گرم کریں۔ اس میں کالی مرچ اور رائی ڈال کر کڑکڑا لیں۔ پھر اس میں آم کا گودا اور چوپڈ ادرک ڈال دیں اور سوس گاڑھا ہونے تک پکائیں۔ پھر اس میں نمک، کٹی لال مرچ، شکر، لیموں کا رس اور آم کے ٹکڑے ڈال دیں۔ چار سے پانچ منٹ تک پکائیں، پھر ہری مرچیں شامل کر کے اس کو چولہے سے اتار لیں۔ سوس تیار ہے۔

اس مزیدار گرلڈ چکن ود مینگو چلی سوس کو ابلے ہوئے چاولوں کے ساتھ سرو کریں۔

 

Read: Chana Dhuwan Gosht Recipe | چنا دھواں گوشت