Coffee Cream Beef Recipe in Urdu

Coffee Cream beef Recipe is a delicious dish of the subcontinent. You can easily make at home and enjoy with the family members.

 

کافی کریم بیف

کافی کریم بیف

 

اجزاء

گائے کا گوشت                  750 گرام

کافی                               ایک چائے کا چمچ

نمک                              حسب ذائقہ

پسا ہوا لہسن                     ایک کھانے کا چمچ

پیاز                                ایک عدد درمیانی

کالی مرچ پسی ہوئی            آدھا چائے کا چمچ

پیپریکا پاؤ ڈر                   آدھا چائے کا چمچ

فریش کریم                        ڈیڑھ پیالی

مشرومز                          چار سے چھ عدد

لیموں کا رس                   دو سے تین کھانے کے چمچ

 آئل                                تین کھانے کے چمچ

کافی کریم بیف

ترکیب

پین میں ایک کھانے کا چمچ آئل کے ساتھ لہسن کو سنہرا فرائی کر لیں اور اس میں صاف دھلے ہوئے گوشت کو سنہرا ہونے تک بھونیں۔ پھر اس میں دو پیالی پانی ڈال کر درمیانی آنچ پر گوشت کو اتنی دیر پکائیں کہ یخنی آدھی پیالی رہ جائے اور گوشت گلنے پر آ جائے۔

گوشت کو ٹھنڈا ہونے پر ہڈیوں سے علیحدہ کر کے باریک کاٹ لیں، پھر آئل میں چوپ کی ہوئی پیاز کو ہلکا سا نرم ہونے تک فرائی کریں اور اس میں چوپ کئے ہوئے مشرومز ڈال کر اچھی طرح کچلتے ہوئے بھون لیں۔

اس میں نمک، کالی مرچ، پیپریکا پاؤ ڈر، گوشت کی یخنی، کافی ) ایک پیالی پانی میں ابلی ہوئی ( اور تین چوتھائی پیالی کریم ڈال کر ہلکی آنچ پر ڈھک دیں۔ بقیہ کریم کو فریزر میں رکھ کر یخ ٹھنڈا کر لیں اور اس میں لیموں کا رس ملا کر ٹھنڈی کر لیں۔

گوشت کی گریوی گاڑھی ہونے پر آ جائے تو ٹھنڈی کی ہوئی ساری کریم ڈال کر ملائیں اور چولہے سے اتار لیں۔

کافی کریم بیف

پریزنٹیشن

            اس منفرد ڈش کو ابلے ہوئے نوڈلز کے ساتھ گرم گرم پیش کریں۔

تیاری کا وقت:      آدھا گھنٹہ            |           پکانے کا وقت:      آدھاگھنٹہ             |           افراد:      چار سے پانچ کے لئے