Chicken Dilpasand Kebab Recipe |چکن دلپسند کباب

Home/Urdu Recipes/Chicken Dilpasand Kebab Recipe |چکن دلپسند کباب

Chicken Dilpasand Kebab Recipe |چکن دلپسند کباب

Learn the way of making Chicken Dilpasand Kebab Recipe in Urdu at home

Chicken Dilpasand Kebab Recipe |چکن دلپسند کباب  

چکن دلپسند کباب

 

اجزا٫

چکن بریسٹ                       ایک کلو

نمک                                 حسب ذائقہ

ادرک لہسن پیسٹ                 دو کھانے کے

پیاز                                  دو سے تین عدد

ٹماٹر                                 دو سے تین عدد

چنا بھنا                              تین سے چار کھانے کے چمچہ

ناریل پسا ہوا                       تین سے چار کھانے کے چمچہ

ہری مرچ                           دس عدد

ہرا دھنیا                            ایک گڈی

میتھی دانہ                          ایک چائے کا چمچہ

سرکہ                                دو کھانے کےچمچہ

دہی                                  آدھا کپ

تیل                                   حسب ضرورت

 

 

چکن دلپسند کباب

ترکیب

چکن بریسٹ کو اچھی طرح سے دھو کر اس کو فریج میں رکھ دیں تاکہ تھوڑا سخت ہو جائے اور کاٹنے میں آسانی ہو۔ پھر اس کو لمبائی میں کاٹ لیں۔

ٹماٹر کو اوپر سے کاٹ لیں اور نیچے سے بھی کاٹ لیں اور ڈھک کر اتنی دیر پکائیں کہ ٹماٹر کا پانی خشک ہو جائے۔ پھر اس کا چھلکا اتار لیں اور بلینڈ کر لیں اور پکا کر ایک گاڑھا سا پیسٹ بنا لیں۔

پیاز، ناریل، چنے بھنے، ہرا دھنیا اور ہری مرچ کو ملا کر پیس لیں۔ میتھی دانے کو الگ پیس کر پیاز والے مکسچر میں ملا لیں۔ پھر اس میں دہی، ٹماٹو پیسٹ اور تین سے چار چمچے تیل بھی شامل کر دیں۔ ادرک لہسن اور سرکہ بھی ڈال کر اچھی طرح مکس کریں اور پندرہ منٹ تک فریج میں رکھ دیں۔

پھر چکن کی لمبی کاٹی ہوئی پٹیوں کو اچھی طرح سے مکسچر میں میرینیٹ کر کے تین سے چار گھنٹوں کے لئے رکھ دیں۔

ان چکن کی پٹیوں کو شاشلک اسٹک میں پرو لیں تاکہ پکتے ہوئے سکڑنے سے محفوظ رہیں۔ چاہیں تو کوئلوں پر سینک لیں یا 180 پر گرم کئے ہوئے اوون میں پچیس منٹ تک بیک کر لیں۔ درمیان میں وقفے وقفے سے تیل برش کی مدد سے لگاتے جائیں۔

چکن دلپسند کباب پلیٹ  میں رکھ کر دہی کی چٹنی کے ساتھ سرو کریں۔

2017-05-11T14:05:14+00:00 September 29th, 2016|Urdu Recipes|0 Comments

Leave A Comment