بھنا ملائی چکن اور مٹر پلاؤ Matar Pulao is also a very easy recipe; it is made with basmati rice and the green peas. It is mild and fragrant and goes with Chicken Malai well.
بھنا ملائی چکن اور مٹر پلاؤ
اجزاء
چکن ایک کلو
نمک حسب ذائقہ
ادرک لہسن پسا ہوا دو کھانے کے چمچے
پیاز دو عدد درمیانی
کالی مرچ گدری پسی ہوئی ایک چائے کا چمچے
سفید زیرہ ایک کھانے کا چمچ
ہری مرچیں چار سے چھ عدد
دہی ایک پیالی
تازہ بالائی آدھی پیالی
کوکنگ آئل تین سے چار کھانے کے چمچے
بھنا ملائی چکن اور مٹر پلاؤ
ترکیب
چکن کو صاف دھو کر چھلنی میں خشک کر لیں۔ پیاز کو باریک کاٹ کر رکھ لیں۔
زیرہ اور ہری مرچوں کو موٹا موٹا کوٹ لیں، دہی کو پھینٹ کر اس میں بالائی اور کٹا ہوا مصالحہ ملا لیں۔
پین میں آئل کو گرم کر کے اس میں پیاز کو ہلکی سنہری فرائی کریں۔
پھر اس میں نمک، ادرک لہسن، کالی مرچ اور چکن کو ڈال کر پکنے رکھ دیں، شروع میں تین سے چار منٹ آنچ تیز رکھیں پھر درمیانی آنچ پر اتنی دیر پکائیں کہ چکن کا پانی خشک ہو جائے
تیار کیا ہوا بالائی اور دہی کا مکسچر ڈال کر بھونیں۔ تیل علیحدہ ہونے پر آ جائے تو ڈھک کر ہلکی آنچ پر پانچ سے سات منٹ کے لئے دم پر رکھ دیں۔
بھنا ملائی چکن اور مٹر پلاؤ
چٹپٹا مٹر پلاؤ بنانے کے لئے
چار کھانے کے چمچ کوکنگ آئل میں ایک باریک کٹی ہوئی پیاز کو فرائی کریں، پھر اس میں تین جوئے لہسن، ایک کھانے کا چمچ زیرہ اور تین سے چار ہری مرچوں کو پیس کر ڈالیں اور دو پیالی مٹر ڈالتے ہوئے بھونیں۔ تین پیالی دھو کر رکھے ہوئے چاول، نمک، ایک چائے کا چمچ کٹی ہوئی کالی مرچ اور آدھی پیالی دہی ڈال کر بھونیں اور آخر میں اس میں چار پیالی یخنی شامل کر دیں۔ ڈھک کر درمیانی آنچ پر پانی خشک ہونے تک پکائیں پھر ہلکی آنچ پر پانچ سے سات منٹ دم پر رکھ دیں۔
پریزنٹیشن
اس سادی اور مزید ار چکن کو چٹپٹے مٹر پلاؤ کے ساتھ پیش کریں۔
تیاری کا وقت: دس سے پندرہ منٹ | پکانے کا وقت: آدھا گھنٹہ | افراد: پانچ سے چھ کے لئے
