ہیش براؤن پوٹیٹو اور چلی ملی ڈرنک
ہیش براؤن پوٹیٹو اور چلی ملی ڈرنک
اجزاء
آلو آدھا کلو
نمک حسب ذائقہ
لہسن کے جوئے دو سے تین عدد
پسی ہوئی کالی مرچ ایک چائے کا چمچہ
پارسلے ایک چائے کا چمچہ
مارجرین یا مکھن ایک کھانے کا چمچہ
کوکنگ آئل حسب ضرورت
ہیش براؤن پوٹیٹو اور چلی ملی ڈرنک
ترکیب
آلوؤں کو چھیل کر کش کر لیں اور ابلتے ہوئے پانی میں دس سے بارہ منٹ ابال کر چھلنی میں ڈال دیں۔
پیالے میں مارجرین یا مکھن ڈال کر اس میں نمک، کالی مرچ، کچلے ہوئے لہسن کے جوئے اور پارسلے ڈال کر ملائیں۔ اس میں کش کئے ہوئے آلوؤں کو ڈال کر اچھی طرح ملا لیں۔
بیکنگ پین یا پزا پین میں کوکنگ آئل لگا کر اس مکسچر کو اچھی طرح دبا کر ڈالیں اور180 ڈگری پر گرم کئے ہوئے اوون میں بیک کرنے رکھ دیں۔
دس سے بارہ منٹ میں جب نیچے سے سنہری ہو جائے تو اوپر سے گرل جلا کر آلوؤں کے مکسچر کو سنہرا کر لیں۔
اوون سے نکالتے ہوئے اس پر تازہ پار سلے اور چاہیں تو تھوڑا سا کش کیا ہوا چیز چھڑک لیں۔ ناشتے میں یا شام کی چائے کے وقت چلی ملی ڈرنک کے ساتھ پیش کریں۔
چلی ملی ڈرنک بنانے کے لئے
ایک تازہ لال مرچ، چٹکی بھر نمک، آدھی پیالی چوپ کیا ہوا کھیرا، ایک چوتھائی پیالی اسٹرابری سیرپ، چٹکی بھر کالی مرچ پسی ہوئی،
آدھا چائے کا چمچ براؤن شوگر اور دو کھانے کے چمچ لیموں کا رس ملا کر بلینڈ کر لیں اور اس میں آدھی پیالی ٹھنڈا پانی اور کٹی ہوئی برف ملا کر پیش کریں۔
